САР ШИНИЙН БАЯРТ ЗОРИУЛСАН ХЭНТИЙ АЙМГААС ТӨРӨН ГАРСАН “АЙМГИЙН АРСЛАН” ЦОЛТОЙ БӨХЧҮҮДЭД ХҮНДЭТГЭЛ ҮЗҮҮЛЭХ “ӨНДӨРХААНЫ ЦОМ” ҮНДЭСНИЙ БӨХИЙН БАРИЛДААН АМЖИЛТТАЙ ЗОХИОН БАЙГУУЛАГДЛАА.
Билгийн тооллын 17-р жарны хөхөгчин могой жилийн сар шинийн баярт зориулсан Хэнтий аймгаас төрөн гарсан “АЙМГИЙН АРСЛАН” цолтой бөхчүүдэд хүндэтгэл үзүүлэх “ӨНДӨРХААНЫ ЦОМ” үндэсний бөхийн барилдаан 2025 оны 02 дугаар сарын 23-ны өдөр Хэнтий аймгийн төв Чингис хотод амжилттай зохион байгуулагдаж өндөрлөлөө.
Тус барилдаанд МУ-ын Дархан аварга Н. Батсуурь, МУ-ын арслан Ц. Бямба-Отгон, Р. Пүрэвдагва, МУ-ын заан Б. Батмөнх, Д. Анар, Б. Бат-Өлзий, Б. Серик, Д. Хүдэрбулга нарын тэргүүтэй улс, аймаг, цэрэг, сумын цолтой болон залуу хүчит 128 бөх барилдсанаас Хэнтий аймгийн Өмнөдэлгэр сумын харьяат "Хан Хэнтий Аварга" дэвжээ, "Алдар" спорт хороо, Зэвсэгт хүчний 014-р анги, Бор-Өндөрийн уулын баяжуулах үйлдвэр, "Юү Эл И" ХХК-ийн бөх, Аймгийн хурц арслан Д.Алтанцоож түрүүлж, Өвөрхангай аймгийн Зүүнбаян-Улаан сумын харьяат Алдар спорт хороо Апу ХХК-ны бөх улсын харцага Б.Цэдэнсодном үзүүрлэж, Увс аймгийн Ховд сумын харьяат ШШГЕГ-ын Сүлд спорт хороо “Хемон Констракшин” ХХК-ын бөх МУ-ын Дархан аварга Н.Батсуурь, Увс аймгийн Ховд сумын харьяат Увс нуур дэвжээний бөх МУ-ын начин Л. Энхсаруул нар шалгарлаа. Наймд улсын заан Д. Хүдэрбулга, улсын харцага Э. Ууганбаяр, Т.Сайханжаргал улсын начин Э.Батмагнай нар шалгарлаа. Барилдааны түрүү бөх 10 сая, үзүүр бөх 8 сая, их шөвгийн бөхчүүд тус бүр 5 сая төгрөгийн бай гардлаа. Мөн энэ барилдааны үеэр Хэнтий аймгаас төрөн гарсан Арслан цолтонгуудад сумын удирдлагууд, Ахмад арслангууд болон аймгийн начин, заан, харцага, цолтонгуудад Хэнтий аймгийн Биеийн тамир, спортын газраас тус тус хүндэтгэл үзүүллээ.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.