АЙМГИЙН АРСЛАН ЦОЛТНУУДАД ХҮНДЭТГЭЛ ҮЗҮҮЛЭХ "ӨНДӨРХААН ЦОМ" БАРИЛДААН ЭНЭ САРЫН 23-НД БОЛНО
Хэнтий аймгийн Иргэдийн Төлөөлөгчдийн хурал, Засаг даргын тамгын газар, Биеийн тамир, спортын газар хамтран 17 дугаар жарны хөхөгчин могой жилийн сар шинийн баярт зориулж, Хан Хэнтий нутгаас төрөн гарсан аймгийн Арслан цолтой бөхчүүдэд хүндэтгэл үзүүлэх "Өндөрхаан цом" бөхийн барилдааныг зохион байгуулах гэж байна.
Барилдаанд улс, аймаг, сумын цолтой хүчит 128 бөх зодоглож, түрүү бөхийг 10 сая, үзүүр бөхийг 8 сая, шөвгөрсөн бөхийг 5 сая төгрөгөөр байлж, хүрэлцэн ирсэн үзэгчдийн дундаас могой жилийн 9 азтаныг шалгаруулна.
Энэ үеэр аймгийн Арслан цолтонд хүндэтгэл үзүүлж, аймгийн алдарт уяач, аймгийн шагайн гоц мэргэн, хошой мэргэн харваач, сурын мэргэн харваачдад цол олгоно.
Мөн барилдааныг үзэхээр ирэхдээ Монголын уламжлалт үндэсний бөхөө дээдлэн Монгол дээлтэйгээ хүрэлцэн ирэхийг нийт Хан Хэнтийчүүддээ уриалж байна.
Бөхийн барилдаан 2025 оны 02 дугаар сарын 23-ны 10 цагт Биеийн тамир, спортын газарт болох бөгөөд бүртгэл 02 дугаар сарын 22 -ны 22:00 цаг хүртэл явагдана.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.