Эрдэнэт хотын 50 жилийн ойн хүрээнд зохион байгуулагдсан тус тэмцээнд 5 аймаг, 2 дүүргийн 90 гаруй өсвөрийн тамирчид өрсөлдсөнөөс Хэнтий аймгийн Баянадарга сумын “Цасан Оргил Сайхан” цанын клуб-ийн тэргүүн, Спортын мастер Б. Довчинсүрэн дасгалжуулагчийн удирдлага дор тамирчид амжилттай оролцож, аймаг орон нутгийнхаа нэрийг өндөрт өргөлөө 
Амжилт:
Г. Энхрийлэн (15–16 нас)– Сонгомол төрөлд 3-р байр
– Гүйлтийн цанын тэшилтийн төрөлд 3-р байр
Э. Тэргэл (13–14 нас)– Сонгомол төрөлд 3-р байр
Д. Энхдөлгөөн (13–14 нас)– Сонгомол төрөлд 3-р байр
– Гүйлтийн цанын тэвшилтийн төрөлд 2-р байр
Багийн дүнгээр 4-р байр эзэлж, бахархам амжилтыг үзүүллээ 
Тус баг тамирчид сар гаруй хугацаанд аймаг, бүс дамжин зохион байгуулагдсан 5 тэмцээнд дараалан оролцож, тогтмол амжилт гаргасан нь Хэнтий аймагт өвлийн спорт эрчимтэй хөгжиж буйн тод илрэл юм 
Идэр 9-ийн хүйтэнд тэсвэр хатуужил, сэтгэлийн хат, уйгагүй хөдөлмөрөөр өрсөлдөнө гэдэг бол жинхэнэ зоригийн шалгуур. Өвлийн спорт бол зөвхөн хурд, ур чадварын бус тэвчээрийн спорт юм.
Хүйтнийг үл ажран, хязгаараа давж буй хүүхэд, залуусдаа бид бахархаж байна.Ирээдүйн аваргууддаа улам их амжилт хүсье! 
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.